大家入去安頓好之後，
就開始自由活動時間喇。
(咦?點解男仔房好似唔夠床嘅?)
(其實真係唔夠床，兩位烈士訓地下唔該XD)

大家主要玩幾樣野，
室外籃球、無冷氣室內羽毛球，
仲有冷氣間乒乓波同康樂棋。

除左乒乓波，
樣樣都有玩吓XD

籃球，
神奇的對決，
3個高大唔識打波嘅，
對3個略小但係打開波嘅，
高人組成功屈贏左XDXDXD
btw
邦好似當場俾我撞死左XDXD

打波打到成身汗，
返冷氣間涼冷氣，
濕到俾齊以為我洗完頭=口=

hea吓hea吓無野做，
同有偷拍癖嘅elaine玩，
結果係....
佢用左我部手機自拍XDXD
有片有真相

自拍完佢好後悔，
想del返段片，
結果失敗左，
因為我部機set左密碼，
但係佢都諗左個幾創新嘅方法....
索性連sim卡都拎走左我嘅XDXD

喺未攞返sim卡嘅情況下，
夠鐘食飯了，
大家衝去canteenXDXD

食飯時無野做，
本來手機無sim卡真係開唔倒架，
不過成張枱咁多人
真係好難搵唔倒sim卡架嘛，
借左邦張sim卡之後，
即刻無私咁同朋友們分享好東西XDXD

食完飯，
到7點半先至有3個鐘嘅「小歷奇」，
同rex、細b仲有齊去左打羽毛球，
個波同天花板完全係保護色，
通常過好耐先突然發現倒個羽毛球=口=

由於又無冷氣，
又無乜風，加上時間又到喇，
就行返去冷氣間同大家集合XDXD

齊人又set好場之後，
大家就去左活動室喇。

玩遊戲之前，
已經講左懲罰係乜野，
如果男仔輸左就夜晚要訓地下，
如果女仔輸嘅就指派一個男仔
夜晚訓地下.....
(咦?點解好似咁唔公平嘅?=口=)

遊戲們都以貼紙儲積分形式，
積分越多、死得越快XDXD

第一隻game
幼稚園唱遊堂，
123 321
1234567
234 432
45678910
唱歌加做動作。

我成功自薦出去唱歌做動作，
換取負積分，
最後係唯一一個負積分嘅參加者XDXD

玩完第一隻game，
全部參加者分左蝦餃、燒賣兩組，
小弟入左之後無輸過嘅燒賣組XDXD

為左玩之後嘅game，
每人都要幫自己揀一個藝人名做自己嘅稱呼。

第一隻game
用塊大布遮住兩組，
各派一人出黎，
大布飛走一剎那即刻要嗌對方藝名，
雖然我地贏左，
不過我覺得對方尹光好強大XDXD

第二隻game
二龍爭珠，
鬥快用槌仔敲響個鐘，
我地又贏XDXD

跟住小組不再，
大家融合返做一組合力玩game，
大家用最短時間順次序按哂地面嘅字母牌，
仲差過小朋友XDXD

之後大家填問卷，
做領袖test，
我係專權同放任兩個取向都同分，
不過都係低分的說。

大家填完互相討論，
討吓討吓，
討到over-run左，
無得玩spider web=口=
(點解我知應該仲有spider web?)
(我無意中睇倒郭sir份時間表XD)

大家夜晚仲要做返全年度嘅檢討，
即刻走哂去沖涼。

宿舍大樓太多人輪流用個沖涼位，
我、瑋同細b去左另一邊宿舍個廁所沖涼，
不過嗰邊已經黑哂燈，
我地即刻開返燈。

由於啲女仔一味話我張sim卡喺女廁，
加上嗰邊個女廁本來連燈都無開，
細b同瑋就幫我把風等我入去搵，
結果我地3個都被fake了XDXD

沖完涼，
3個返房吹頭，
仲有就係同瑋攞杯麵去canteen食。

不過之後又約左女仔們都黎canteen一齊食，
然後瑋好人渣咁留左我1個喺canteen睇野，
自己就四圍行，嗰段時間我頹到喊=口=

女仔終於都沖哂涼出到黎，
我啲麵...都成功變淋哂，
但係佢地終於俾返sim卡我，
多謝哂呀!!!
本來諗全食完麵檢討，
點知...郭sir話太夜唔檢討了，
食完野就散band=口=

24/8
聽倒幾吓叮噹叫人起身之後，
慢慢醒少少醒少少咁起左身。

刷完牙，有啲想吹頭，
但係房入面好多人都未醒，
有風筒都唔用得。

醒起寇話朝早想借風筒，
打去睇吓佢地醒左未，
佢話醒左，
我地又帶埋個風筒走去女仔房喇。

大家吹完個頭，
返完自己房就去食早餐。

食完早餐，
hea等一陣嘅「大歷奇」!!!

夠鐘歷奇!!!
yeah!!!
做熱身先...
天氣咁熱，
乜都唔做個身已經熱哂=口=

跟住自選二人分組，
同麥思form左一組，
仲自薦做第一組去玩XDXD
後黎覺得自己真係好醒，
因為啲裝備俾我地用時，
真係乾淨過人地好多，
人地啲頭盔，
裡面係濕架，
我地用時仲係乾的XDXD

我地玩嘅歷奇，
叫做巨人梯，


可以見倒真係幾高，
而且條木真係好幼，
所以玩到patpat好痛=口=

我地總共有7組人玩，
有3組人成功有至少一個人
可以上到頂敲個鐘。
有兩組可以成功兩個人
都去到個頂敲個鐘，
小弟同齊有幸係其中一組。

個巨人梯爬上去真係好辛苦，
尤其係我地兩個默契普遍，
我幾乎下下爬上去都係純力量型咁爆上去，
玩到喺空手不停滴汗落地下。

由於我負責做喺高地拉麥思上黎嘅工作，
要坐喺支木條度借條木嘅力，
我大脾內側同pat pat都超級痛，
加上我又固執地要麥思上埋去先肯敲鐘，
但係總算成功左XDXD

另一隊成功兩個都敲倒鐘嘅，
就係細b同rex，
rex果然係有經驗嘅，
好似好輕鬆咁就兩個都上哂去XDXD
另外，瑋都成功幫體藝仔飛上去敲倒鐘。

其他組都係敲唔倒鐘架喇，
不過其實盡左力咪得囉，
享受過程先係重點嘛XDXD

最令我印象深刻就係朋友嘅腿功，
本來以為佢會好難上到去，
點知佢啲筋鬆到一吓就上多左一級，
其實有錄到片，
不過應該會遲吓先upload。

個個都玩完之後，
就走去食lunch，
食完拿拿林沖涼，
然後就執野走。

大家衝落山之後，
其實已經又個個都成身汗=口=

由於無冷氣真係好難頂，
回程船個個都加6個半去坐豪華位，
貪佢有冷氣。

去到發現仲有枱添，
結果大家就喺度玩七級豬，
第一次咁多人玩，
13個人同時玩七級豬=口=
落船時，體藝仔最高級，
係四級豬。
而人類聯盟都剩返好少人，
就係我、麥思、寇同elaine
(PS.仲有當時俾我當左係豬嘅傑)，
但係因為elaine話
我地係衰人唔同我地講野，
結果佢成隻game都好似自閉咁XDXD

返到中環，
搭旅遊巴返中心，
喺車度無野做，
訓著又好可能會俾人偷影，
所以大家都開始互傳短片，
elaine憤怒鳥XDXD

最後我地有幾個索性連手機個
藍芽名都改埋，
叫做你做乜野呀?XDXD

到站，落車，各自歸家.......

多謝大家睇哂，
如果有睇哂就留個cm啦XDXD